Пасада: Загадчык падрыхтоўчага аддзялення, дацэнт кафедры спецыяльнага фартэпіяна
Адукацыя: Беларуская дзяржаўная акадэмія музыкі (2012, клас У.А. Дулава), там жа магістратура пад кіраўніцтвам В.Л. Яканюка (2013)
Выкладчык дысцыплін: Спецыяльны інструмент (фартэпіяна), Мастацтва выканальніцкай інтэрпрэтацыі.
Нарадзілася ў 1989 у г. Мінску (Беларусь).
З 2013 года працавала выкладчыкам кафедры фартэпіяна, выкладчыкам кафедры спецыяльнага фартэпіяна Беларускай дзяржаўнай акадэміі музыкі. З 2016 года – старшы выкладчык, з 2021 года – загадчык падрыхтоўчага аддзялення. Піяністка стажыравалася ў Латвійскай музычнай акадэміі ім. Язэпа Вітола – 2012-2013 навучальны год (кл. праф. С.Ю. Асокіна). З 2023 года – студэнтка Акадэміі кіравання пры Прэзідэнце Рэспублікі Беларусь.
С.М. Хіхіч з’яўляецца ўдзельнікам ХVI Міжнароднага конкурсу маладых піяністаў, фартэпіянных дуэтаў і камерных ансамбляў імя Марыі Юдзінай (г. Санкт-Пецярбург, Расія, 2015), дыплом у намінацыі “фартэпіянны ансамбль”; ХХ Міжнароднага фестывалю-конкурсу “Musica Classica” (г. Руза, Расія, 2016) – дыплом лаўрэата I прэміі ў намінацыі “фартэпіянны ансамбль” (з прафесарам Л.З. Тэр-Мінасян).
Студэнты класа Хіхіч С.М. станавіліся лаўрэатамі і дыпламантамі міжнародных конкурсаў, сярод іх: Буцкевіч Аліна, Ван Цзэцын, Лю Ісюань, Мэй Юйсінь, Чжао Цзяньбо. Узнагароджана дыпломамі за педагагічнае майстэрства (2019 Італия, 2019 Расія, 2021 Францыя, 2023 Францыя, 2023 Беларусь). Таксама студэнты класа прымалі ўдзел у майстар-класе фартэпіяннага дуэта Ю. Махавіча і А. Лапікуса (Малдова), у майстар-класе прафесара А.Дзіева (Расія).
Прымала ўдзел у канферэнцыях у БДПУ імя М.Танка (2020), у Навасібірскай дзяржаўнай кансерваторыі імя М.І.Глінкі (2024).
Мае Падзяку Беларускага саюза кампазітараў (2015), Падзяку рэктара акадэміі (2022).
Член арганізацыйнага камітэта міжнароднага конкурсу піяністаў “Мінск 2014”; міжнароднага фестывалю “Беларускія фартэпіянныя асамблеі” (2014, 2015, 2022); “XI Рэспубліканскага адкрытага конкурсу выканаўцаў фартэпіяннай музыкі” (2017).
Прымала ўдзел у канцэртах кафедры фартэпіяна, кафедры спецыяльнага фартэпіяна, у якасці канцэртмайстра ў канцэрце кафедры камернага ансамблю ў дуэце з А.Бараненкавай (2017), у канцэртах у Белдзяржфілармоніі з П.Чарнеўскай (2022, 2023), у к/з “Верхні горад”, у каледжах мастацтваў у г.Маладзечна, РДКІ імя І.О.Ахрэмчыка, МДКІ, музычных школах г.Мінска. Прымала ўдзел у якасці саліста ў канцэрце аркестра баянаў і акардэонаў (2020).
Сфера навуковых інтарэсаў Хіхіч С.М. – пытанні спецыфікі навучання музыкантаў розных спецыяльнасцей фартэпіяна, замежных грамадзян, беларуская выканальніцкая, педагагічная, кампазітарская школы.
Хіхіч С.М. напісаны навучальныя праграмы навучальных курсаў для факультэта павышэння кваліфікацыі і перападрыхтоўкі (2019, 2022, 2023), вучэбная праграма для слухачоў падрыхтоўчага аддзялення (2024).
Навуковыя публікацыі:
• Хіхіч, С. М. Аб некаторых праблемах у навучанні гульні на фартэпіяна інструменталістаў і вакалістаў / С. М. Хіхіч // Мадэрнізацыя музычна-адукацыйнага працэсу ў вышэйшай школе : – міжвузаўскі зборнік навуковых і метадычных артыкулаў. – Мінск: ІВЦ Мінфіна, 2015. – С. 149 – 157.
• Хіхіч, С. М. Роля музычнай памяці ў фартэпіянным навучанні студэнтаў розных спецыяльнасцей / С.М. Хіхіч // Удасканаленне музычна-адукацыйнага працэсу: пытанні тэорыі і практыкі: – міжвузаўскі зборнік навуковых і метадычных артыкулаў. – Мінск, 2017. – С. 81 – 89.
• Хіхіч, С. М. Фарміраванне беларускай выканальніцкай і педагагічнай школы на прыкладзе жыццёвага і творчага шляху Б. М. Бергера (да 70-годдзя з дня нараджэння) / С. М. Хіхіч // Тэарэтычныя і практычныя аспекты падрыхтоўкі педагога-музыканта ў кантэксце кампетэнтнаснай мадэлі бесперапыннай адукацыі: – міжвузаўскі зборнік навуковых і метадычных артыкулаў. – Мінск: ІВЦ Мінфіна, 2020. – С. 114 – 120.
• Хіхіч, С. М. Фартэпіянныя творы Г. К. Гарэлавай у рэпертуары студэнтаў розных спецыяльнасцей / С. М. Хіхіч // Актуальныя праблемы мастацтва: гісторыя, тэорыя, методыка: матэрыялы канферэнцыі. – Мінск: БДПУ, 2020. – С. 135 – 140.
• Анталогія беларускага скрыпічнага канцэрта / Міністэрства культуры Рэспублікі Беларусь, Белар. дзярж. акад. музыкі / саст. і аўтар ўступлення М. Л. Пішчык ; рад. скрыпічнай партыі М. Л. Пішчык, П. С. Чарнеўская, К. Я. Пукст. – Мінск : Белар. дзярж. акад. музыкі, 2021. – Вып. 1. – 149 с., 1 парт. (48 с.)
• Хіхіч, С. М. Асаблівасці працы з кітайскімі студэнтамі ў класе спецыяльнага фартэпіяна (на прыкладзе выканальніцкага аналізу сюіты Г. Гарэлавай “Вячэрні альбом”) / С. М. Хіхіч // Навуковыя працы Беларус. дзярж. акад. музыкі. – Мінск, 2024. – Вып. 61. – С. 156 – 165.
