Структура акадэміі

Нотна-навуковая бібліятэка

Афіцыйнай датай заснавання бібліятэкі кансерваторыі з’яўляецца 1932 год. 18 кастрычніка 1932 г., як паведамляе газета «Зьвязда» (1932, № 255), «пачаліся заняткі ў нова-арганізаванай у Мінску кансерваторыі». Заняткі праходзілі ў будынку музычнага тэхнікума. Бібліятэка кансерваторыі размяшчалася тут жа, і мела агульны фонд з бібліятэкай тэхнікума.

На сённяшні дзень Нотна-навуковая бібліятэка (з 2001 г.) Беларускай дзяржаўнай акадэміі музыкі – найбуйнейшае спецыялізаванае кнігасховішча нотных матэрыялаў, аўдыёзапісаў і кніжных выданняў па музычным мастацтве ў краіне – налічвае звыш 217 тыс. экзэмпляраў, амаль 132 тыс. з іх – ноты.

Бібліятэка з’яўляецца інфармацыйным і даведачна-бібліяграфічным цэнтрам Беларускай дзяржаўнай акадэміі музыкі. Дзейнасць бібліятэкі накіравана на забеспячэнне аператыўнага і якаснага бібліятэчнага, бібліяграфічнага і інфармацыйнага абслугоўвання карыстальнікаў у адпаведнасці з адукацыйным і навуковым працэсамі акадэміі на аснове традыцыйных і сучасных інфармацыйна-бібліятэчных тэхналогій.

Інфармацыйнае абслугоўванне ажыццяўляецца ў адпаведнасці з напрамкамі вучэбнай, навуковай і культурна-выхаваўчай работы акадэміі і ўключае ў сябе:

  • даведачна-бібліяграфічнае і інфармацыйнае абслугоўванне;
  • фарміраванне і вядзенне даведачна-пошукавага апарата;
  • арганізацыю навукова-бібліяграфічнай работы;
  • навучанне асновам інфармацыйна-бібліяграфічнай культуры;
  • укараненне інавацыйных бібліятэчных і камп’ютарных тэхналогій.

Карыстальнікам даступны:

Правілы карыстання Нотна-навуковай бібліятэкай

pic pic pic