Кафедра спеваў

Жылюк Міхаіл Аляксандравіч

Пасада: Дацэнт кафедры спеваў
Вучонае званне: Дацэнт (2016)
Ганаровае званне: Заслужаны артыст БССР (1990), Заслужаны артыст Украіны (2008)
Адукацыя: Беларуская дзяржаўная кансерваторыя ім. А. В. Луначарскага (1969). З 1971 па 1974 год вучыўся ў Маскоўскай двойчы ордэна Леніна дзяржаўнай кансерваторыі ім. П. І. Чайкоўскага. У 1982 годзе скончыў асістэнтуру-стажыроўку (па класе Т.М.Ніжнікавай) пры Беларускай дзяржаўнай кансерваторыі ім. А. В. Луначарскага.
Выкладаемыя дысцыпліны: сольныя спевы, мастацтва выканальніцкай інтэрпрэтацыі, кіраўніцтва магістарскімі дысертацыямі.


Жылюк М. А. з’яўляецца дацэнтам кафедры спеваў Беларускай дзяржаўнай акадэміі музыкі, працуючы на гэтай пасадзе з 12.11.2009. Стаж педагагічнай працы ў Акадэміі складае больш за 13 гадоў, агульны працоўны стаж – 47 гадоў.

За гады працы Жылюк М.А. выхаваў значную колькасць маладых таленавітых вакалістаў, сярод якіх вядучыя салісты Дзяржаўнага Нацыянальнага  акадэмічнага Вялікага тэатра оперы і балета Рэспублікі Беларусь»: Громаў У., Краснадубскі А. У гэтым годзе ў трупу тэатра прыняты студэнт 5 курса Зазулька У., у Беларускай дзяржаўнай філармоніі

г. Мінска — Задарожны  І., саліст ансамбля «Чысты голас» -Тышко А., Раманчун М. працуе на кафедры спеваў.

У класе Жылюка М. А. займаюцца як беларускія, так і замежныя студэнты. Міхаіл Аляксандравіч таксама кіруе навучаннем магістрантаў. Выпускнікі і студэнты класа на рэспубліканскіх і міжнародных конкурсах неаднаразова былі ўдастоены званняў лаўрэатаў і дыпламантаў.

Найбагацейшы музычны, сцэнічны і жыццёвы вопыт Жылюка М.А. знаходзіць свой выраз у педагогіцы. Валоданне велізарным рэпертуарам (як оперным, так і камерна-вакальным), прафесіяналізм, выканальніцкае майстэрства, шматгадовая сумесная праца з таленавітымі партнёрамі абумовілі высокі ўзровень выкладання, творчы падыход да педагогікі.

У педагагічнай працы М.А. Жылюк шырока выкарыстоўвае метады праблемнага навучання, якія актывізуюць творчае мысленне вучняў, іх ініцыятыўнасць, самастойнасць. Студэнты класа М.А. Жылюка прымаюць актыўны ўдзел ва ўсіх творчых мерапрыемствах Акадэміі музыкі: канцэртах, конкурсах, майстар-класах.

М.А. Жылюк выкладае на факультэце павышэння кваліфікацыі ў БДАМ, праводзіць заняткі і майстар-класы, аказвае метадычную дапамогу выкладчыкам устаноў сярэдняй спецыяльнай адукацыі і музычных школ Рэспублікі. Педагагічны вопыт М.А. Жылюка знайшоў арганічны выраз у творчых, вучэбна-метадычных і навуковых працах, якія ўведзены ў навучальны працэс Акадэміі музыкі, выкарыстоўваюцца выкладчыкамі і студэнтамі ВНУ і УССА, а таксама на факультэце павышэння кваліфікацыі.

Публікацыя:

  • Жылюк, М.А. Асноўныя прынцыпы пастаноўкі голасу: Метадычная распрацоўка / М. А. Жылюк; Міністэрства культуры Рэспублікі Беларусь; Установа адукацыі «Беларуская дзяржаўная акадэмія музыкі». – Мінск: Беларуская дзяржаўная акадэмія музыкі, 2014. – 61 с.

Складальнік:

  • Сольныя спевы: вучэбная праграма ўстановы вышэйшай адукацыі па вучэбнай дысцыпліне для накіравання спецыяльнасці: 1-16 01 10-01 спевы (акадэмічныя)/Міністэрства культуры Рэспублікі Беларусь, Установа адукацыі «Беларуская дзяржаўная акадэмія музыкі»; складальнікі: Т.М.Цыбульская, Л.Я. Колас, М. А. Жылюк,  Д. А.Трухан-Багданава. – Мінск: Беларуская дзяржаўная акадэмія музыкі, 2016. – 80 С.

Літаратура аб педагогу:

  • Мацкевіч, Я. Міхаіл Жылюк: «Сцэна — «лобнае» месца…» / Я. Мацкевіч // Мастацтва. — 2000. — № 11. — С. 21-25.
  • Савіцкая, А. В. Віншуем юбіляра!: да юбілею Міхаіла Аляксандравіча Жылюка/ А.Савіцкая/ / партэр: культурна-асветніцкі, даведачны часопіс. — 2018. — № 9. — С. 42-43.