Аркестравыя калектывы

Гісторыя калектыву пачынаецца з пачатку 50-х гадоў ХХ стагоддзя, калі аркестр збіраўся па адпаведных  канцэртных нагодах. Адным з першых дырыжораў калектыву быў Зіновій Аронавіч ТАНКЛЕЎСКІ. З 1965 года духавы аркестр атрымаў статус абавязковай дысцыпліны ў кансерваторыі, асноўнай задачай каленктыву быў удзел у выпускных іспытах студэнтаў па класе дырыжыравання. Кіраваў аркестрам Заслужаны артыст Рэспублікі Беларусь Барыс Сцяпанавіч ЧУДАКОЎ. Мастацкімі кіраўнікамі і дырыжорамі былі прафесар Аркадзь БЕРЫН, Заслужаны артыст Беларусі Віктар БАБАРЫКІН, Народны артыст Беларусі Міхаіл БЕРСАН, Юрый ГАЛЯС, Аляксей ФРАЛОЎ.

З 2017 года аркестрам кіруе – Максім Мікалаевіч РАСОХА.

Лаўрэат фестываляў і конкурсаў:

• Гран-пры Міжнароднага конкурсу духавых аркестраў (г.Люксембург 1998);
• Лаўрэат 2 прэміі IV Усерасійскага адкрытага фестывалю-конкурсу духавых аркестраў «Віват, студэнт!» (РФ, г.Масква 2018);
•  Дыплом удзельніка IV Міжнароднага Велікоднага фестывалю (РБ, г.Мінск 2021); – Гран-пры Міжнароднага фестывалю-конкурсу «Nordic Fest» (Фінляндыя, г.Хельсінкі 2021).

Удзельнік:

• XXVII, XXVIII, XXIX Міжнародных навуковых чытанняў памяці Л.С.Мухарынскай (РБ, г.Мінск 2018, 2019, 2020);
• Міжнароднай навукова-практычнай канферэнцыі да 100-годдзя з дня нараджэння Народнага артыста СССР, прафесара В.В. Роўды “Харавое мастацтва ў сусветнай музычнай прасторы” (2021);
• гастрольна-канцэртнага тура па гарадах Беларусі ў рамках творчага праекта “Музычная спадчына Радзімы” да 90-годдзя з дня нараджэння Народнага артыста СССР і БССР, прафесара Я.А. Глебава і Году малой радзімы, рэалізаванага па Гранце спецыяльнага фонду Прэзідэнта Рэспублікі Беларусь па падтрымцы таленавітай моладзі (2019);
• музычнага праекта “Вобразы вайны і міру ў творчасці беларускіх кампазітараў” рэалізаванага па гранце Прэзідэнта Рэспублікі Беларусь (2020);
• калектыў выступаў у якасці запрошанага госця дзіцячага тэлевізійнага конкурсу “Талент краіны” (г.Мінск 2018, 2019).

Аркестр неаднаразова гастраляваў па Еўропе. Выпусціў 2 кампакт-дыскі да 100-годдзя Д. Шастаковіча і 75-годдзя акадэміі музыкі, запісаў вялікаю канцэртную праграму на БТ.

Аркестр вядзе актыўную канцэртную дзейнасць як у акадэміі музыкі, так і за яе межамі, удзельнічае ў грамадска значных мерапрыемствах горада і краіны.

Вялікая роля ў выбары рэпертуарнай палітыкі адводзіцца творам, напісаным для духавога аркестра, асабліва, творам беларускіхкампазітараў. Калектыў рэалізаваў шэраг сусветных прэм’ер твораў беларускіх аўтараў: Сімфаніету для духавога аркестра і Сюіту для вялікага духавога аркестра” “Камедыя ў эпізодах і асобах” Заслужанага дзеяча мастацтваў Беларусі В. Войціка, Сюіту для духавога аркестра “Жавароначкі” С. Янковіча. Першым у Беларусі выканаў Сімфонію для духавога аркестра П. Хіндэміта і Рускую сюіту для канцэртнага духавога аркестра Заслужанага артыста РФ Г. Чарнова.