Ганаровыя члены Акадэміі

(13.08.1913, Віцебск, Беларусь – 2003, Мінск) – кампазітар, ганаровы доктар Беларускай дзяржаўнай акадэміі музыкі (2002).

Заслужаны артыст БССР (1940), заслужаны дзеяч мастацтваў БССР (1944), народны артыст БССР (1968), лаўрэат Дзяржаўных прэмій СССР (1941) і БССР (1969), прафесар (1960, Беларусь). Член Беларускага саюза кампазітараў (1933), Старшыня праўлення Беларускага саюза кампазітараў (1938-49). Ганаровы член Міжнароднай славянскай акадэміі навук, адукацыі, мастацтваў і культуры (1995).

Скончыў Беларускую дзяржаўную кансерваторыю (1937) па класе кампазіцыі прафесара В.А. Залатарова. У 1948-67 – выкладчык кафедры кампазіцыі, гісторыі і тэорыі музыкі, з 1967 – кампазіцыі, дзе вёў клас кампазіцыі, інструментоўку, чытанне партытур.Дырэктар/Рэктар БДК (1948-62). Загадчык кафедры кампазіцыі (1967-97).Узнагароджаны ордэнамі Леніна (1944), Кастрычніцкай рэвалюцыі (1973), Працоўнага Чырвонага Сцяга (1940, 1955), Дружбы народаў (1986), «Знак Пашаны» (1961), «Францыска Скарыны» (1998), медалямі, граматамі Вярхоўнага Савета БССР.Сярод выхаванцаў – народныя артысты СССР і БССР Я. Глебаў, І. Лучанок, народныя артысты Беларусі Г. Вагнер, А. Мдзівані, Ю. Семяняка, Дз. Смольскі, С. Картэс, заслужаныя дзеячы мастацтваў Беларусі Р. Сурус, В. Войцік.Публікацыі: артыкулы ў БелСЭ, часопісе «Мастацтва», газетах «Літаратура і мастацтва», «Советская Белоруссия», «Звязда», «Вечерний Минск».

Асноўныя творы:

• оперы («У пушчах Палесся» (1939), «Надзея Дурава» (1946));
• вакальна-інструментальная музыка (кантаты, араторыя, маналогі);
• музыка для аркестра (сімфоніі, канцэрты, сюіты, уверцюра);
• камерна-інструментальная музыка;
• вакальная музыка;
• музыка да спектакляў, кінафільмаў, радыёпастаноўкі.

Літаратура:

• Из истории музыкального образования в Беларуси: Белорусская государственная академия музыки, 1932-2002: профессора и преподаватели: библиографическая энциклопедия / Р.И.Сергиенко, В.А. Антоневич. – Минск, 2005. – С. 61-62;
• Из истории музыкознания в Беларуси. Белорусская государственная академия музыки: 1932-1992: Учеб. пособ. для студ. вузов / гл. ред. Г.С.Глущенко. – Минск: Бел. наука, 2002. – 366 с.;
• Анатолий Васильевич Богатырев: материалы, документы, статьи о творчестве / сост. Е.В.Лисова, В.В. Невдах; редкол.: Е.Н. Дулова и др. – Минск: учреждение образования «Белорусская государственная академия музыки», 2014. – 427 с.;
• Мдивани,Т. Композиторы Беларуси / Т.Г. Мдивани, В.Г. Гудей-Каштальян; предисл. Т.Г. Мдивани. – Минск: Беларусь, 2014. – С.85-88.

Войтик В. Он учился у племянницы Шумана, а у него – Лученок. Рассказываем о композиторе Богатырёве // СТВ, 13.08.2018 (видео)