Аркестравыя калектывы

Неапалітанскія аркестры

У верасні 2022 года па ініцыятыве кіраўніцтва Беларускай дзяржаўнай акадэміі музыкі і кафедры струнных народных шчыпкова-ўдарных інструментаў быў арганізаваны Неапалітанскі аркестр. Мандаліна-гітарныя калектывы (Неапалітанскія аркестры) маюць багатую гісторыю і карыстаюцца папулярнасцю ў многіх краінах свету. У складзе аркестра Беларускай акадэміі музыкі: мандаліны, мандолы, гітары, акустычная гітара-бас, клавесін (раяль), флейта, контрабас, ударныя інструменты. Рэпертуар складае музыка эпохі Барока і Рамантызму, папулярныя п’есы і арыгінальныя творы беларускіх кампазітараў. Мастацкім кіраўніком і дырыжорам аркестра запрошаны вядомы музыкант, дамрыст, мандалініст, дырыжор, аранжыроўшчык, уладальнік медаля Францыска Скарыны Яраслаў Аляксандравіч Валасюк. Першы канцэрт калектыва адбыўся 23 лістапада 2022 года.