З 26 лістапада па 3 снежня 2025 года ва ўстанове адукацыі «Беларуская дзяржаўная акадэмія музыкі» адбудзецца VII Рэспубліканскі фестываль імя Г.І. Жыхарава (1915-1973) (далей – фестываль).

У рамках фестывалю запланаваны наступныя мерапрыемствы:

26 лістапада 2025 г. – адкрыццё фестывалю. Навукова-практычная канферэнцыя ў фармаце круглага стала. Канцэрты студэнтаў і калектываў кафедры струнных народных інструментаў і кафедры аркестравага дырыжыравання і інструментоўкі;

• 27 лістапада 2025 г. – Майстар-класы вядучых педагогаў Рэспублікі Беларусь на струнных народных інструментах (балалайка, домра). Канцэрты студэнтаў і калектываў кафедры струнных народных інструментаў;
• 3 снежня 2025 г. – Адкрыты Рэспубліканскі конкурс маладых выканаўцаў на струнных народных інструментах імя Г. І. Жыхарава (1915-1973). Закрыццё фестывалю. Узнагароджанне Лаўрэатаў конкурсу. Канцэрт актэта балалаек «Віцебскія віртуозы» дзяржаўнай канцэртнай установы «Віцебская абласная філармонія».

Для ўдзелу навукова-практычнай канферэнцыі ў фармаце круглага стала запрашаюцца выкладчыкі, аспіранты, магістранты і студэнты ўстаноў адукацыі, а таксама дзеячы беларускага канцэртна-выканальніцкага мастацтва.

Тэма круглага стала: Роля Г.І. Жыхарава ў станаўленні і развіцці педагагічных і выканальніцкіх традыцый.

Асноўныя пытанні для абмеркавання:

• народна-інструментальнае мастацтва Рэспублікі Беларусь;
• прафесійная музычная адукацыя на сучасным этапе.

Рэгламент выступленняў на круглым стале – да 15 хвілін.

Правядзенне круглага стала прадугледжваецца ў змешаным фармаце, як вочны ўдзел, так і дыстанцыйнае (з дапамогай анлайн-трансляцыі альбо трансляцыі відэазапісу, загадзя прадстаўленай удзельнікам па электроннай пошце).

Для ўдзелу ў круглым стале варта накіраваць на адрас аргкамітэта заяўку па названай форме – Дадатак 1.

Адкрыты рэспубліканскі конкурс маладых выканаўцаў на струнных народных інструментах ім. Г.і. Жыхарава (1915-1973) праводзіцца на аснове Палажэння.

У рамках фестывалю будуць праведзены майстар-класы вядучых педагогаў Рэспублікі Беларусь на струнных народных інструментах (балалайка, домра). Да ўдзелу ў майстар-класах запрашаюцца навучэнцы ўстаноў дадатковай адукацыі дзяцей і моладзі, сярэдніх спецыяльных устаноў адукацыі сферы культуры Рэспублікі Беларусь. Для ўдзелу ў майстар-класах неабходна накіраваць заяўку згодна з Дадаткам 2.

Заяўкі прымаюцца да 15 лістапада 2025 года. Усе дакументы адпраўляюцца на адрас электроннай пошты: ork@bgam.by.

У тэме ліста неабходна ўказаць: «Фестываль імя Г.І.Жыхарава», дзень дзень адпраўлення дакументаў вызначаецца па даце, названай паштовым сэрвісам ў электронным лісце. Праграма фестывалю будзе паказана на сайце Акадэміі (www.bgam.by ) пасля канчатковай апрацоўкі заявак, якія паступілі ў тэрмін да 17 лістапада 2025 года.

Усе выдаткі за кошт накіроўвалага боку.

Аргкамітэт VII Рэспубліканскага фестывалю імя Г. І. Жыхарава:

Старшыня аргкамітэта – прарэктар па навуковай рабоце ўстановы адукацыі “Беларуская дзяржаўная акадэмія музыкі”, кандыдат мастацтвазнаўства, дацэнт Мацаберыдзе Нэлі Вячаславаўна.

Намеснік старшыні – дэкан аркестравага факультэта ўстановы адукацыі “Беларуская дзяржаўная акадэмія музыкі” Комар Ігар Анатольевіч.

Намеснік старшыні – загадчык кафедры струнных народных інструментаў установы адукацыі “Беларуская дзяржаўная акадэмія музыкі”, кандыдат мастацтвазнаўства, дацэнт Прадзед Вераніка Аляксандраўна.

Па организационным вопросам можно обращаться по следующему номеру телефона: + 375 17 360 99 51 (Лазутская Надзея Францаўна, Чарняк Леанід Іванавіч, Ільіна Марына Віктараўна).

Азнаёміцца з Палажэннем аб правядзенні конкурсу і дадаткамі 1 і 2 можна на сайце Акадэміі ў раздзеле «Навіны».

Палажэнне

Заяўка

Праграмныя патрабаванні

Згода на апрацоўку персанальных даных