УСТАНОВА АДУКАЦЫІ

«БЕЛАРУСКАЯ ДЗЯРЖАЎНАЯ АКАДЭМІЯ МУЗЫКІ»

СТУДЭНЦКАЕ

НАВУКОВА-ТВОРЧАЕ ТАВАРЫСТВА

Савет маладых вучоных

КОНКУРС НАВУКОВЫХ АРТЫКУЛАЎ МАЛАДЫХ ДАСЛЕДЧЫКАЎ МУЗЫКІ

ІНФАРМАЦЫЙНЫ ЛІСТ

Да Конкурсу навуковых артыкулаў маладых даследчыкаў музыкі (з міжнародным удзелам) (далей – Конкурс) запрашаюцца студэнты, магістранты і замежныя магістранты, якія вучацца ў Беларускай дзяржаўнай акадэміі музыкі, студэнты і магістранты ВНУ Рэспублікі Беларусь, Расійскай Федэрацыі і іншых краін. Конкурс праводзіцца ў наступных намінацыях: магістранты, замежныя магістранты, студэнты спецыяльнасці “Мастацтвазнаўства (музыказнаўства)”, студэнты выканальніцкіх спецыяльнасцей і спецыяльнасці “Кампазіцыя”. Конкурсныя намінацыі могуць быць удакладнены ў залежнасці ад заявак, якія паступілі.

Навуковая праблематыка канферэнцыі ўключае наступныя пытанні для абмеркавання:

• вуснатрадыцыйная музычная культура ў даследчым полі сучаснай этнамузыкалогіі;
• актуальныя пытанні сусветнага музычнага мастацтва;
• праблемы музычнай медыявістыкі;
• выканальніцкае мастацтва і музычная адукацыя: пытанні гісторыі, тэорыі, практыкі;
• вядомыя дзеячы музычнай культуры і мастацтва – юбіляры 2026 года (В.А.Моцарт, У.Каліннікаў, В.Мартынаў, Ф.Бузоні, Э.Саці, Ю.Фалік, Д.Шастаковіч, С.Райх, Р.Крэйцэр, М. дэ Фалья, С.Танееў, А.Каста.інш).

Мовы канферэнцыі – беларуская, руская.

Тэксты артыкулаў, прадстаўленыя для ўдзелу ў Конкурсе, афармляюцца згодна з прапанаванымі патрабаваннямі (гл. Дадатак 2).

Артыкулы пераможцаў Конкурсу (1, 2, 3 месца) будуць разгледжаны аргкамітэтам для публікацыі ў зборніку артыкулаў па матэрыялах Конкурсу (патрабаванні да публікацыі гл. у Дадатку 2).

Склад журы будзе аб’яўлены дадаткова.

Аргкамітэт Конкурсу:

Мацаберыдзе Нэлі Вячаславаўна, прарэктар па навуковай рабоце, дацэнт кафедры тэорыі музыкі, кандыдат мастацтвазнаўства, дацэнт

Баранкевіч Лілія Фаільеўна, загадчык навукова-даследчага аддзела, кандыдат мастацтвазнаўства, дацэнт

Воранава Святлана Сяргееўна, навуковы кіраўнік Студэнцкага навукова-творчага таварыства, дацэнт кафедры тэорыі музыкі, кандыдат мастацтвазнаўства

Краўцова Ганна Аляксееўна, старшыня Савета маладых вучоных, намеснік навуковага кіраўніка Студэнцкага навукова-творчага таварыства, аспірант кафедры тэорыі музыкі

Аргкамітэт прымае да ўдзелу ў Конкурсе заяўкі, аформленыя згодна з Дадаткам 1, і артыкулы, аформленыя згодна з Дадаткам 2, у названы тэрмін. Аргкамітэт мае права адбору артыкулаў для ўключэння ў праграму Конкурса.

Заяўкі на ўдзел і тэксты навуковых артыкулаў прымаюцца на электронны адрас: snto@bgam.by

Кантактныя дадзеныя:

Баранкевіч Лілія Фаільеўна, загадчык навукова-даследчага аддзела: тэл. (+375 17) 342 97 96; nio@bgam.by

Воранава Святлана Сяргееўна, навуковы кіраўнік Студэнцкага навукова-творчага таварыства: snto@bgam.by

Важныя даты

13 красавіка – апошні дзень прыёму артыкулаў для завочных удзельнікаў на электронную пошту snto@bgam.by (назва файла афармляецца наступным чынам: прозвішча імя _ артыкул)

20 красавіка – 18 мая – работа журы конкурсу

25 мая – 30 мая – падвядзенне вынікаў конкурсу, рассылка дыпломаў пераможцам

12 чэрвеня – апошні дзень прыёму матэрыялаў для публікацыі пераможцаў конкурсу на электронную пошту snto@bgam.by (назва файла афармляецца наступным чынам: прозвішча імя _артыкул для публікацыі)

ПАЛАЖЭННЕ

ЗАЯЎКА (Дадатак 1)

ДАДАТАК 2