Конкурс па чытанні харавых партытур для навучэнцаў устаноў сярэдняй спецыяльнай адукацыі ў сферы культуры і гімназій-каледжаў мастацтваў адбудзецца 21 сакавіка 2025 года.

МЭТЫ І ЗАДАЧЫ

• Конкурс па чытанні харавых партытур для навучэнцаў устаноў сярэдняй спецыяльнай адукацыі ў сферы культуры і гімназій-каледжаў мастацтваў (далей – Конкурс) з’яўляецца адукацыйным праектам па
• падтрымцы і прапагандзе дырыжорскага выканальніцкага мастацтва, якія спалучаюць розныя формы вучэбнай практыкі і канцэртнага паказу харавога сачынення перад слухацкай аўдыторыяй.
• Задачы Конкурсу:
• выяўленне маладых таленавітых музыкантаў-выканаўцаў у сферы харавога дырыжыравання;
• удасканаленне практычных уменняў і навыкаў у выкананні харавога сачынення на раялі,
• пашырэнне светапогляду і музычнага кругагляду ў вучняў, іх далучэнне да вакальна-харавой спадчыны сусветнага музычнага мастацтва;
• выхаванне высокакваліфікаваных музыкаў.

УМОВЫ ЎДЗЕЛУ Ў КОНКУРСЕ

Конкурс па чытанні харавых партытур праводзіцца для навучэнцаў II-IV курсаў устаноў сярэдняй спецыяльнай адукацыі ў сферы культуры і навучэнцаў II – III курсаў гімназій-каледжаў мастацтваў.
Конкурс праводзіцца ў два туры.

Першы тур:

а) прэзентацыя харавой партытуры a cappella, абранай канкурсантам для выканання (працягласць да 5 мін);

б) канцэртнае выкананне на раялі абранай харавой партытуры.

Другі тур:

Чытанне па нотах аднаго з нумароў кантаты в.Кузняцова «Ціхія песні» (па жараб’ёўцы).

РАСКЛАД КОНКУРСУ
Конкурс адбудзецца 21 сакавіка 2025 г.па адрасе: г. Мінск, вул. П. Броўкі, 22, аўд. 214 (3 корпус БДАМ).

Графік мерапрыемстваў конкурсу:

12.00-12.30: адкрыццё конкурсу

12.30 – 15.00: Праслухоўванне праграмы 1 тура

15.30: абвяшчэнне вынікаў 1 тура

16.00 – 18.00: Праслухоўванне праграмы 2 тура

18.30: абвяшчэнне вынікаў 2 тура

СТАНОВІШЧА

ЗАЯЎКА

НОТЫ (Ціхія песні в. Кузняцоў)