Студэнцкае навукова-творчае таварыства (СНТТ) было створана ў Беларускай дзяржаўнай акадэміі музыкі (кансерваторыі) у 1949 годзе. Першым навуковым кіраўніком СНТТ быў В.А. Белы, прафесар кафедры кампазіцыі, гісторыі і тэорыі музыкі. Пазней кіраўніцтва ажыццяўлялі прафесары і дацэнты Акадэміі: К.І. Сцепанцэвіч, Л.С. Мухарынская, Т.А. Шчарбакова, В.Д. Какушкін, А.А. Друкт, Ю.Дз. Златкоўскі, А.У. Куракіна, А.В. Макарава, Л.Ф. Баранкевіч А.А. Ціхамірава і інш.
У цяперашні момант навуковым кіраўніком СНТТ з’яўляецца С.С. Воранава СНТТ дае студэнтам шырокія магчымасці для развіцця прафесійных і асобасных якасцей ва ўзаемадзеянні творчай і навукова-даследчай дзейнасці як неад’емнай часткі падрыхтоўкі высокакваліфікаваных спецыялістаў у галіне музычнага мастацтва.
Навукова-даследчая сфера дзейнасці СНТТ сканцэнтравана на фартэпіянным і кампазітарска-музыказнаўчым факультэце. Студэнты, якія навучаюцца па спецыяльнасці “Музыказнаўства” і магістранты на працягу многіх гадоў прымаюць удзел у Рэспубліканскім конкурсе навуковых работ студэнтаў. Сярод найвышэйшых узнагарод конкурсу адзначым ганаровае званне лаўрэата, якога ўдзельнікі конкурсу з Беларускай дзяржаўнай акадэміі музыкі былі ўдастоены шматразова. Студэнты і магістранты становяцца таксама лаўрэатамі міжнародных навукова-даследчых конкурсаў, якія праводзяцца ў Расійскай акадэміі музыкі імя Гнесіных, Санкт-Пецярбургскай дзяржаўнай кансерваторыі імя М.А. Рымскага-Корсакава, Краснадарскім дзяржаўным інстытуце культуры і іншых ВНУ.
Адным з прыярытэтных напрамкаў у прыцягненні студэнтаў да навукова-даследчай работы з’яўляецца штогадовае правядзенне студэнцкіх навукова-практычных канферэнцый. Па традыцыі адным з навуковых мерапрыемстваў такога кшталту, якое штогод праводзіцца ў міжнародным фармаце, стала студэнцкая канферэнцыя ў рамках Навуковых чытанняў памяці Л.С. Мухарынскай (з 2020 года ў фармаце канферэнцыі-конкурсу). Яркай старонкай у жыцці СНТТ стала Студэнцкая навукова-практычная канферэнцыя да 90-гадовага юбілею Беларускай дзяржаўнай акадэміі музыкі “Музычная адукацыя і навука ў XXI стагоддзі: дыялог пакаленняў” (снежань 2022 года), якая аб’яднала ўдзельнікаў з ВНУ і УССА Беларусі і Расійскай Федэрацыі.
Сярод штогадовых кафедральных канферэнцый, у якіх прымаюць актыўны ўдзел студэнты розных выканальніцкіх спецыяльнасцей, – “Музычная педагогіка, псіхалогія і выканальніцтва вачыма студэнтаў”, ініцыяваная кафедрай музычнай педагогікі, гісторыі і тэорыі выканальніцкага мастацтва. У полі зроку студэнтаў і магістрантаў Акадэміі знаходзяцца таксама і канферэнцыі, якія праходзяць у розных вышэйшых навучальных установах рэспублікі: Беларускі дзяржаўны ўніверсітэт, Беларускі дзяржаўны педагагічны ўніверсітэт ім. М. Танка, Беларускі дзяржаўны ўніверсітэт культуры і мастацтва, Інстытут сучасных ведаў ім. А. Шырокава і інш.
Разнастайныя творчыя праекты, ініцыяваныя СНТТ, уносяць новыя элементы, формы і метады работы, значна павышаюць адукацыйны і творчы патэнцыял студэнтаў.
Сярод творчых праектаў СНТТ апошніх гадоў:
Найважнейшыя падзеі ў творчай і навукова-даследчай дзейнасці Акадэміі адлюстраваны ў электроннай газеце “Акадэмія музыкі вачыма студэнтаў”. Жанр публікацый у газеце разнастайны – гэта рэцэнзіі на канцэрты, майстар-класы, конкурсы ў Акадэміі і творчыя праекты ў канцэртных залах сталіцы, інтэрв’ю з выкладчыкамі-юбілярамі Акадэміі, эсэ пра творчыя сустрэчы з вядучымі музыкантамі сучаснасці, агляд Навуковых чытанняў памяці Л.С. Мухарынскай.
У полі зроку СНТТ знаходзіцца і прафарыентацыйная работа ВНУ, што знаходзіць адлюстраванне ў арганізацыі прэзентацыі СНТТ ў рамках Дня адчыненых дзвярэй, а таксама запрашэнні на навуковыя і творчыя мерапрыемствы СНТТ навучэнцаў сярэдніх спецыяльных навучальных устаноў у сферы культуры не толькі ў якасці слухачоў, але і ў якасці удзельнікаў.
Навуковую і творчую дзейнасць СНТТ курыруюць выкладчыкі Акадэміі: С.С. Воранава, навуковы кіраўнік СНТТ, дацэнт кафедры тэорыі музыкі, кандыдат мастацтвазнаўства.
ФКМ факультэт: В.М. Сахарава, дацэнт кафедры музычнай педагогікі і сацыяльна-гуманітарных дысцыплін, кандыдат мастацтвазнаўства, дацэнт; І.А. Камар, выкладчык кафедры кампазіцыі.
ВХФ факультэт: С.С. Герасімовіч, загадчык кафедры харавога дырыжыравання, кандыдат мастацтвазнаўства, прафесар; С.А. Белая, старшы выкладчык кафедры спеваў, старшыня Савета маладых вучоных.
АФ: І.В. Каленчыц, дацэнт кафедры баяна і акардэона; Н.Ф. Лазуцкая, дацент кафедры струнных народных інструментаў.
П.С. Чарнеўская, дацэнт кафедры струнных смычковых інструментаў і камернага ансамбля; С.П. Таўстаножанка, старшы выкладчык кафедры духавых інструментаў і аркестравага дырыжыравання.
Студэнцкі актыў СНТТ узначальваюць Кацярына Мароз, аспірант, член Савета маладых вучоных і Алена Ярмак, музыказнаўца, студэнтка 5 курса.
Сёння СНТТ імкнецца не толькі захаваць лепшыя традыцыі і назапашаны вопыт ужо амаль 70 гадоў, але і знайсці новыя шляхі развіцця ў навукова-даследчай і творчай рабоце.
Садружнасць Навукі і Творчасці Аб’ядноўвае
Мы заўсёды адкрыты да супрацоўніцтва і новых ідэй!
