Кафедра харавога дырыжыравання ўстановы адукацыі «Беларуская дзяржаўная акадэмія музыкі» аб’яўляе аб правядзенні ІІІ РЭСПУБЛІКАНСКАГА КОНКУРСУ ХАРАВЫХ ДЫРЫЖОРАЎ ІМЯ А.П.ЗЕЛЯНКОВАЙ.
Конкурс адбудзецца з 17.04.2024 па 19.04.2024.
У конкурсе могуць удзельнічаць навучэнцы УССА ў галіне музычнага мастацтва Рэспублікі Беларусь.
Для ўдзелу ў конкурсе навучэнец УССА не пазней за 17.03.2024 накіроўвае на адрас электроннай пошты choirbgam@gmail.com заяўку з каляровай (партрэтнай) фатаграфіяй (фармату JPEG).
Запрашэнні да ўдзелу ў конкурсе высылаюцца па электроннай пошце канкурсантам персанальна.
Спіс канкурсантаў таксама размяшчаецца на сайце акадэміі музыкі ў тэрмін не пазней за 01.04.2024.
Парадак выступлення канкурсантаў вызначаецца лёсаваннем і захоўваецца да канца конкурсу.
У першым туры канкурсант дэманструе ў суправаджэнні раяля выкананне конкурснай праграмы са спіса твораў (сачыненне для хору a cappella і фрагмент кантаты Г.Свірыдава «Курскія песні» на выбар канкурсанта), зацверджанага аргкамітэтам. Па выніках першага тура вызначаюцца канкурсанты, якія дапускаюцца да ўдзелу ў другім туры конкурсу. Колькасць канкурсантаў, якія дапускаюцца да ўдзелу ў другім туры, не павінна перавышаць паловы ўдзельнікаў першага тура.
У другім туры канкурсант працуе з жаночым хорам. Сачыненні выбіраюцца канкурсантам шляхам лёсавання.
У трэцім туры канкурсант працуе са змешаным хорам над фрагментам кантаты Г.Свірыдава «Курскія песні» са сваёй конкурснай праграмы першага тура.
Час працы ў другім і трэцім турах – да 10 хвілін. Па выніках трэцяга тура конкурсу вызначаюцца пераможцы конкурсу.
Пераможцы конкурсу ўзнагароджваюцца дыпломамі І, ІІ або ІІІ ступені з прысваеннем звання лаўрэата. Журы мае права прысуджаць не ўсе дыпломы і прэміі, прысудзіць некалькі дыпломаў І, ІІ ці ІІІ ступені. Журы мае права прысуджаць спецыяльныя дыпломы і прэміі.
Канкурсанты трэцяга тура, не ўдастоеныя дыпломаў I, II або III ступені і звання лаўрэата конкурсу, узнагароджваюцца дыпломамі з прысваеннем звання дыпламанта конкурсу. Канкурсанты, якія не ўдастоены дыпломаў і званняў лаўрэата або дыпламанта конкурсу, узнагароджваюцца граматамі ўдзельнікаў конкурсу.
Узнагароджанне пераможцаў і ўдзельнікаў конкурсу праводзіцца ў апошні дзень конкурсу.
Выдаткі па праездзе, пражыванні і харчаванні канкурсантаў, а таксама іх канцэртмайстраў аплачваюцца накіравальным бокам або канкурсантамі.
