МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
 УСТАНОВА АДУКАЦЫІ
«БЕЛАРУСКАЯ ДЗЯРЖАЎНАЯ АКАДЭМІЯ МУЗЫКІ
Міжнародная навукова-практычная канферэнцыя
Беларускі і сусветны музычны тэатр: мінулае,
сучаснасць, перспектывы
 /да 90-годдзя Вялікага тэатра Беларусі і 110-годдзя з дня нараджэння А.В. Багатырова/
 21–24 лістапада 2023 года

 ІНФАРМАЦЫЙНЫ ЛІСТ

 З 21 па 24 лістапада 2023 года Беларуская дзяржаўная акадэмія музыкі праводзіць Міжнародную навукова-практычную канферэнцыю «Беларускі і сусветны музычны тэатр: мінулае, сучаснасць, перспектывы (да 90-годдзя Вялікага тэатра Беларусі і 110-годдзя з дня нараджэння А. В. Багатырова)».

У рамках канферэнцыі адбудуцца навуковыя пасяджэнні, круглы стол, лекцыі вядучых вучоных, майстар-класы дзеячаў культуры і мастацтва, прэзентацыі новых выданняў.

Асноўныя тэматычныя напрамкі канферэнцыі:

• музычна-тэатральная спадчына А.В.Багатырова ўчора і сёння;
• беларускі музычны тэатр у кантэксце праблем еўрапейскага і сусветнага музычнага мастацтва;
• пытанні гісторыі, тэорыі і пастановачнай практыкі беларускага і сусветнага музычнага тэатра;
• сучаснасць і будучыня музычнага тэатра ў яго жанравай разнастайнасці;
• музычна-тэатральны тэкст: лібрэта, драматургія, рэжысёрскі канцэпт і інш.;
• музычна-тэатральная крытыка на сучасным этапе.

Да ўдзелу ў канферэнцыі запрашаюцца спецыялісты ў галіне музычнага мастацтва, выкладчыкі, навуковыя супрацоўнікі, дактаранты, аспіранты.

Прадугледжваюцца наступныя формы ўдзелу:

• вочнае;
• дыстанцыйнае (з дапамогай анлайн-трансляцыі);
• завочнае (стэндавы даклад або трансляцыя відэазапісу, якія загадзя прадстаўлены ўдзельнікам па электроннай пошце).

Заяўкі на ўдзел у канферэнцыі неабходна даслаць да 1 лістапада 2023 года на адрас электроннай пошты minsk.conference1@gmail.com

Рэгламент выступленняў:

даклад на пленарным пасяджэнні – да 20 хвілін,
даклад на секцыйным пасяджэнні – да 15 хвілін,
паведамленне на круглым стале – да 15 хвілін,
прэзентацыя выданняў – да 10 хвілін.

Тэксты стэндавых дакладаў і відэа дыстанцыйных выступаў неабходна даслаць на адрас электроннай пошты minsk.conference1@gmail.com  у тэрмін не пазней за 1 лістапада (разам з заяўкай на ўдзел).

Мовы канферэнцыі – руская, беларуская, англійская.

Па выніках канферэнцыі плануецца публікацыя навуковых артыкулаў. Навуковы артыкул аб’ёмам 14 000–20 000 знакаў павінен змяшчаць кароткую анатацыю на мове артыкула, рэзюмэ на англійскай мове, ключавыя словы, спіс выкарыстаных крыніц. Тэкст навуковага артыкула афармляецца ў адпаведнасці з патрабаваннямі, размешчанымі на сайце: https://bgam.by/wp-content/uploads/2022/07/Trebovaniya-Vesty1.pdf

Да друку прымаюцца артыкулы, якія раней не публікаваліся. Тэксты артыкулаў прымаюцца на адрас электроннай пошты minsk.conference1@gmail.com да 15 студзеня 2024 года.

Да кожнага артыкула прыкладаюцца рэцэнзія і выпіска з пратакола паседжання кафедры (навуковага аддзела, цыклавой камісіі) з рэкамендацыяй артыкула да друку.

Аргкамітэт пакідае за сабой права адбору артыкулаў для публікацыі і іх рэдагавання. Аргкамітэт мае права адхіліць артыкулы, якія не адпавядаюць тэматыцы канферэнцыі і актуальным патрабаванням да навуковых публікацый. Усе дасланыя матэрыялы праходзяць праверку на унікальнасць праграмай «Антыплагіят» праз базу даных «Універсітэцкая бібліятэка».

 Па арганізацыйных пытаннях просім звяртацца:

Мацаберыдзэ Нэлі Вячаславаўна, прарэктар па навуковай рабоце: тэл. (+375 17) 360 11 03; prorector_nr@bgam.by ;
Баранкевіч Лілія Фаільеўна, загадчык навукова-даследчага аддзела: тэл. (+375 17) 342 97 96; nio@bgam.by ;
Выдаткі на праезд, пражыванне і харчаванне ажыццяўляюцца ўдзельнікам канферэнцыі асабіста або ўстановай, якая яго накіроўвае.

ВАЖНЫЯ ДАТЫ

1 лістапада                          апошні дзень падачы заявак, прадастаўлення відэафайлаў выступаў і тэкстаў стэндавых дакладаў
17 лістапада                         дзень рассылкі праграмы мерапрыемства
21–24 лістапада                  правядзенне мерапрыемства
15 студзеня 2024 г.            апошні дзень прыняцця тэкстаў навуковых артыкулаў для публікацыі (з прыкладаннем неабходных дакументаў у электронным фармаце).

Форма заяўкі на ўдзел
у Міжнароднай навукова-практычнай канферэнцыі
«Беларускі і сусветны музычны тэатр: мінулае, сучаснасць, перспектывы
(да 90-годдзя Вялікага тэатра Беларусі і 110-годдзя з дня нараджэння А. В. Багатырова)»

Заяўка

Программа