ІНФАРМАЦЫЙНЫ ЛІСТ

Студэнцкая навукова-практычная канферэнцыя адбудзецца ў выглядзе конкурсу ў вочным і завочным фарматах. Да вочнага ўдзелу запрашаюцца студэнты і магістранты Беларускай дзяржаўнай акадэміі музыкі, а таксама навучэнцы УССА. У рамках вочнага ўдзелу адбудзецца конкурс на лепшае выступленне з дакладам у наступных намінацыях: магістранты, студэнты спецыяльнасці “Мастацтвазнаўства (музыказнаўства)”, студэнты выканальніцкіх спецыяльнасцей і спецыяльнасці “Кампазіцыя”, навучэнцы УССА спецыяльнасці “Музыказнаўства”. Конкурсныя намінацыі могуць быць удакладнены ў залежнасці ад заявак, якія паступілі.

У завочным фармаце будзе праведзены конкурс навуковых артыкулаў (з міжнародным удзелам). Да завочнага ўдзелу запрашаюцца студэнты, магістранты і замежныя магістранты, якія вучацца ў Беларускай дзяржаўнай акадэміі музыкі, студэнты і магістранты ВНУ Рэспублікі Беларусь і іншых краін. Конкурс для завочных удзельнікаў праводзіцца ў наступных намнацыях: магістранты, замежныя магістранты, студэнты спецыяльнасці “Мастацтвазнаўства (музыказнаўства)”, студэнты выканальніцкіх спецыяльнасцей і спецыяльнасці “Кампазіцыя”. Конкурсныя намінацыі могуць быць удакладнены ў залежнасці ад заявак, якія паступілі.

Навуковая праблематыка канферэнцыі ўключае наступныя пытанні для абмеркавання:

• вуснатрадыцыйная музычная культура;
• музычнае мастацтва Беларусі і свету;
• музычнае выканальніцтва і педагогіка;
• выдатныя дзеячы музычнай культуры і мастацтва ‑ юбіляры 2025 года (І.С.Бах, Г.Ф.Гендэль, М.К.Агінскі, І.Штраус, М.Нікіфароўскі, Е.Раманаў, М.Аладаў, П.Хіндэміт, П.Падкавыраў, Г.Цітовіч, Г.Свірыдаў, С.Картэс і інш.);

Мовы канферэнцыі ‑ беларуская, руская.

Допуск да ўдзелу ў вочным фармаце Конкурсу ажыццяўляецца на аснове дасланай заяўкі, запоўненай па ўстаноўленай форме (гл. Дадатак 1). Даклад, прадстаўлены да ўдзелу ў конкурсе, павінен адпавядаць наступным параметрам: структураванасць тэксту, наяўнасць прэзентацыі, дэманстрацыя музычнага матэрыялу (уключаючы аўдыё, відэа). Рэгламент выступу ‑ 10 мін. (з улікам паказу музычнага матэрыялу).

Тэксты артыкулаў, прадстаўленыя для ўдзелу ў завочным фармаце Конкурсу, афармляюцца згодна з прапанаванымі патрабаваннямі (гл. Дадатак 2).

Артыкулы пераможцаў завочнага фармату конкурсу (1, 2, 3 месца) у намінацыі магістранты, студэнты спецыяльнасці “Мастацтвазнаўства (музыказнаўства)” будуць разгледжаны аргкамітэтам для публікацыі ў сборніку артыкулаў па матэрыялах канферэнцыі (патрабаванні да публікацыі гл. у Дадатку 2).

Склад журы будзе аб’яўлены дадаткова.

Аргкамітэт канферэнцыі:

• Мацаберыдзэ Нэлі Вячаславаўна, прарэктар па навуковай рабоце, дацэнт кафедры тэорыі музыкі, кандыдат мастацтвазнаўства, дацэнт
• Баранкевіч Лілія Фаільеўна, загадчык навукова-даследчага аддзела, кандыдат мастацтвазнаўства, дацэнт
• Воранава Святлана Сяргееўна, навуковы кіраўнік Студэнцкага навукова-творчага таварыства, дацэнт кафедры тэорыі музыкі, кандыдат мастацтвазнаўства
• Краўцова Ганна Аляксееўна, намеснік навуковага кіраўніка Студэнцкага навукова-творчага таварыства, аспірант кафедры тэорыі музыкі.
• Белая Святлана Аляксандраўна, старшыня Савета маладых вучоных, старшы выкладчык кафедры спеваў і музычна-тэатральнага мастацтва.

Аргкамітэт прымае да ўдзелу ў вочным фармаце Конкурсу заяўкі, аформленыя згодна з Дадаткам 1, і артыкулы для ўдзелу ў завочным фармаце Конкурсу, аформленыя згодна з Дадаткам 2, у названы тэрмін. Аргкамітэт мае права адбору дакладаў для ўключэння ў праграму канферэнцыі.

Кантактныя даныя: snto@bgam.by – навуковы кіраўнік Студэнцкага навукова-творчага таварыства Воранава Святлана Сяргееўна, намеснік навуковага кіраўніка Студэнцкага навукова-творчага таварыства Краўцова Ганна Аляксееўна.

ВАЖНЫЯ ДАТЫ

ДЛЯ ВОЧНАГА ФАРМАТУ:

28 сакавіка – апошні дзень прыёму заявак на электронную пошту snto@bgam.by (назва файла заяўкі афармляецца наступным чынам: прозвішча імя _заяўка)

4 красавіка – размяшчэнне спісу ўдзельнікаў па намінацыях з парадкам выступлення на сайце акадэміі

7 красавіка – правядзенне вочнага фармату конкурсу

11 красавіка – узнагароджанне пераможцаў конкурсу на Круглым стале XXXIV МІЖНАРОДНЫХ НАВУКОВЫХ ЧЫТАННЯЎ ПАМЯЦІ Л. С. МУХАРЫНСКАЙ

ДЛЯ ЗАВОЧНАГА ФАРМАТУ:

11 красавіка – апошні дзень прыёму артыкулаў для завочных удзельнікаў на электронную пошту snto@bgam.by (назва файлаў афармляюцца наступным чынам: прозвішча імя _ артыкул)

18 красавіка – 19 мая ‑ праца журы конкурсу

26 мая – 31 мая ‑ падвядзенне вынікаў конкурсу, рассыланне дыпломаў пераможцам.

9 чэрвеня – апошні дзень прыёма матэрыялаў для публікацыі пераможцаў конкурсу на электронную пошту snto@bgam.by (назва файла афармляецца наступным чынам: прозвішча імя _артыкул для публікацыі)

Інфармацыйны ліст
Заяўка