У перыяд з 26 чэрвеня 2023 года па 21 ліпеня 2023 года ва ўстанове адукацыі «Беларуская дзяржаўная акадэмія музыкі» будзе рэалізавана адукацыйная праграма прафесійнай падрыхтоўкі рабочых (служачых) па прафесіі 7312-015 «Наладчык клавішных інструментаў» 4-га кваліфікацыйнага разраду.

Пасля заканчэння навучання выдаецца дакумент дзяржаўнага ўзору – пасведчанне аб падрыхтоўцы рабочага (служачага) (Згодна з Дадаткам 60 Пастановы Міністэрства адукацыі Рэспублікі Беларусь ад 19.08.2022 № 274).

У рамках прафесійнай падрыхтоўкі рабочых (служачых) па гэтай прафесіі ў навучэнцаў будзе магчымасць атрымліваць індывідуальныя кансультацыі ў вядучых майстроў рэспублікі па рамонце музычных інструментаў, самастойна вывучаць неабходныя матэрыялы па акустыцы і тэхналогіі ў бібліятэцы Акадэміі музыкі, а таксама абменьвацца вопытам са сваімі калегамі з іншых рэгіёнаў краіны.

Для навучання ўсім зацікаўленым неабходна да 20 чэрвеня 2023 года падаць заяўку на адрас электроннай пошты fpkp@bgam.by або bgam_fpk@mail.ru.

Кошт навучання складае 750,00 бел. руб.

Тым, хто мае патрэбу, на ўвесь перыяд навучання ёсць магчымасць пражывання ў інтэрнаце (вул. Кісялёва, 61). Арыентыровачны кошт пражывання – 3 бел. руб. у суткі (і 2 бел. руб. за прадастаўленне пасцельнай бялізны).

Па ўсіх дадатковых пытаннях можна звяртацца на факультэт павышэння кваліфікацыі і перападрыхтоўкі па тэлефонах: + 375 17 2527867, +375 25 6080597.