Беларуская дзяржаўная акадэмія музыкі анансуе запуск новага праекта, накіраванага на аб’яднанне студэнтаў Акадэміі і навучэнцаў музычных каледжаў і каледжаў мастацтваў у адзін аркестр. Маладзёжны аркестр баяністаў і акардэаністаў — унікальны праект і новая платформа для творчага супрацоўніцтва, якая будзе садзейнічаць развіццю музычнага патэнцыялу маладых выканаўцаў. Тэрміны правядзення праекта — з 4 па 9 жніўня 2025 года. Праграма праекта — кароткатэрміновы навучальны інтэнсіў, які ўключае аркестравыя і групавыя рэпетыцыі, майстар-класы, індывідуальныя заняткі і творчыя сустрэчы з вядучымі музыкантамі Беларускай дзяржаўнай акадэміі музыкі. Для ўдзелу ў праекце навучэнцам ва ўстановах сярэдняй спецыяльнай адукацыі сферы культуры Рэспублікі Беларусь неабходна прадаставіць на электронны адрас ork_dekan@bgam.by:

• Відэазапіс выканання двух рознахарактарных твораў (спасылка на YouTube або воблачнае сховішча).
• Інфармацыю аб выніках удзелу ў конкурсных мерапрыемствах рэспубліканскага і міжнароднага ўзроўняў.
• Матывацыйны ліст (эсэ “Я – удзельнік Маладзёжнага аркестра баяністаў і акардэаністаў Рэспублікі Беларусь” аб’ёмам не больш за 2000 знакаў).
• Запоўненую заяўку для ўдзелу (форма заяўкі прыкладаецца)

Умовы падачы заявак

• Тэрмін падачы заявак: да 15 чэрвеня 2025 г.
• Тэрмін разгляду заявак экспертнай камісіяй: з 16 па 29 чэрвеня 2025г.

• Абвяшчэнне вынікаў: 30 чэрвеня 2025 г. Усе мерапрыемствы ў рамках праекта праводзяцца на бязвыплатнай аснове. Іншагароднім даецца інтэрнат. Па арганізацыйных пытаннях звяртацца: +375 (17) 379 19 48

ІНФАРМАЦЫЙНЫ ЛІСТ
ФОРМА ЗАЯЎКІ