Бібліятэка прапануе тэматычную выставу “Традыцыі і інавацыі ў беларускай музычнай навуцы: ў даследаваннях Беларускай дзяржаўнай акадэміі музыкі”, прымеркаваную да Дня беларускай навукі (26.01.2025), які штогод адзначаецца ў апошнюю нядзелю студзеня.

Навука – адзін з найважнейшых атрыбутаў дзяржаўнасці і суверэнітэту краіны, выконваючы функцыю інтэлектуальнага забеспячэння і суправаджэння ключавой мэты — пабудовы моцнай і квітнеючай Беларусі.

Беларуская навука — гэта сістэма ўзаемадзейнічаючых арганізацый, якія праводзяць даследаванні і распрацоўкі па шырокім спектры напрамкаў атрымання і прымянення найноўшых ведаў, якія адпавядаюць перадавым рубяжам сусветнага навукова-тэхнічнага прагрэсу. Ключавыя навуковыя сектары прадстаўлены акадэмічнай, галіновай, карпаратыўнай і вузаўскай (універсітэцкай) навукай.

Беларуская дзяржаўная акадэмія музыкі — адзін з буйнешых навуковых цэнтраў у галіне гістарычнага і тэарэтычнага музыказнаўства, які займаецца навуковымі даследваннямі ў сферы музычнай педагогікі, тэорыі і гісторыі выканальніцкага мастацтва, гісторыі беларускай і сусветнай музыкі, этнамузыкалогіі і філасофіі музыкі. Акадэмія з’яўляецца арганізатарам навуковых і метадычных канферэнцый, займаецца выпускам манаграфій, зборнікаў навуковых прац, метадычных дапаможнікаў і хрэстаматый, а таксама нотных выданняў твораў беларускіх кампазітараў.

Навуковую дзейнасць акадэміі музыкі забяспечваюць: навукова-даследчы аддзел, рэдакцыйна-выдавецкая група, аспірантура, дактарантура, Савет па абароне дысертацый, Студэнцкае навукова-творчае таварыства.

Увесь спектр навуковай дзейнасці і вынікі навуковых праектаў, рэалізаваных у апошнія гады ў акадэміі, прадстаўлены на выставе: выпускі навукова-тэарэтычнага часопіса «Весці Беларускай дзяржаўнай акадэміі музыкі», зборніка артыкулаў «Навуковыя працы Беларускай дзяржаўнай акадэміі музыкі», доктарскія, кандыдатскія, магістарскія дысертацыі, матэрыялы навуковых канферэнцый, вучэбна-метадычныя дапаможнікі, хрэстаматыі, нотныя выданні і аўдыявізуальныя дакументы.

Экспазіцыя размяшчаецца ў ліфтавым холе 6 паверха навучальнага корпуса № 3 (вул.П. Броўкі, 22) з 23 студзеня па 17 сакавіка 2025 года.