Эксклюзіўны прафарыентацыйны адукацыйна-творчы праект Беларускай дзяржаўнай акадэміі музыкі

“Маладзёжны Музычны мост»

у год 80-годдзя Вялікай Перамогі

21 мая 2025 года ў год 80-годдзя Вялікай Перамогі Беларуская дзяржаўная акадэмія музыкі праводзіць выніковыя мерапрыемствы прафарыентацыйнага адукацыйна-творчага праекта «Маладзёжны Музычны мост» 2024/2025 навучальнага года.

Асноўнай мэтай праекта з’яўляецца захаванне і развіццё аднаго з галоўных здабыткаў суверэннай Беларусі-сістэмы бесперапыннай музычнай адукацыі з дапамогай стварэння платформы для ўзаемадзеяння навучэнцаў устаноў сярэдняй спецыяльнай адукацыі сферы культуры з прафесарска-выкладчыцкім складам і кіраўніцтвам Акадэміі праз патрыятычнае выхаванне новага пакалення музыкантаў сродкамі акадэмічнага музычнага мастацтва.

У рамках праекта на працягу навучальнага года педагагічнымі і творчымі сіламі акадэміі ва ўсіх рэгіянальных музычных каледжах Рэспублікі Беларусь былі праведзены канцэрты, майстар-класы вядучых педагогаў Акадэміі, круглыя сталы па пытаннях метадычнага забеспячэння адукацыйнага працэсу і сумесныя пасяджэнні студэнцкага савета Акадэміі з ініцыятыўнай моладдзю каледжаў.

Выніковыя мерапрыемствы праекта адбудуцца 21 мая і будуць уключаць у сябе пасяджэнне Савета па пытаннях прафесійнай музычнай адукацыі, цырымонію ўскладання кветак да манумента Перамогі ў гонар перамогі ў Вялікай Айчыннай вайне і ў памяць аб воінах Савецкай Арміі, партызанах і падпольшчыках, якія загінулі ў гады Вялікай Айчыннай вайны і заключны гала-канцэрт.

У 16.00 адбудзецца цырымонія ўскладання кветак да манумента Перамогі. У цырымоніі прымуць удзел прадстаўнікі Міністэрства культуры Рэспублікі Беларусь, адміністрацыі Цэнтральнага раёна горада Мінска, кіраўніцтва і прафесарска-выкладчыцкі склад Беларускай дзяржаўнай акадэміі музыкі, кіраўнікі і навучэнцы ўстаноў сярэдняй спецыяльнай адукацыі сферы культуры Рэспублікі Беларусь.

У 17.00 адбудзецца заключны гала-канцэрт праекта. Канцэрт быў натхнёны ідэяй пераемнасці пакаленняў і непахіснасці традыцый прафесійнай музычнай адукацыі Беларусі. У канцэрце прымуць удзел студэнты-пераможцы міжнародных конкурсаў і Лаўрэаты спецыяльнага фонду Прэзідэнта Рэспублікі Беларусь па падтрымцы таленавітай моладзі, выкладчыкі акадэміі, навучэнцы, прыняўшыся ўдзел у творчых праектах акадэміі, а таксама вядучыя творчыя калектывы акадэміі.

У канцэрце прагучаць яркія творы сусветнай музычнай спадчыны, у тым ліку сачыненні беларускіх кампазітараў на ўнікальнай скрыпцы з калекцыі музычных інструментаў Беларускай дзяржаўнай акадэміі музыкі – скрыпцы, створанай у 1673 годзе ўнукам вялікага скрыпічнага майстра Джузэпэ Гварнеры Андрэа Гварнеры. Інструмент быў набыты ў 2010 годзе для Беларускай дзяржаўнай акадэміі музыкі па даручэнні Прэзідэнта Рэспублікі Беларусь А.Р. Лукашэнкі і пры садзейнічанні Міністэрства культуры Рэспублікі Беларусь.

Кульмінацыяй канцэрта ў год 80-годдзя Перамогі ў Вялікай Айчыннай вайне стануць песні ваенных гадоў у выкананні студэнцкага сімфанічнага аркестра і студэнтаў кафедры спеваў і музычна-тэатральнага мастацтва.

Запрашаем наведаць заключны гала-канцэрт праекта» Маладзёжны Музычны мост ” 21 мая 2025 года ў 17.00. Уваход на мерапрыемства вольны.