 |
МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
УСТАНОВА АДУКАЦЫІ «БЕЛАРУСКАЯ ДЗЯРЖАЎНАЯ АКАДЭМІЯ МУЗЫКІ»
|
 |
ПАЛАЖЭННЕ
Аб парадку і ўмовах правядзення адборачнага этапу XXX Рэспубліканскага конкурсу навуковых прац студэнтаў
ва ўстанове адукацыі “Беларуская дзяржаўная акадэмія музыкі”
ГЛАВА 1
АГУЛЬНЫЯ ПАЛАЖЭННІ
Палажэнне вызначае парадак і ўмовы правядзення адборачнага этапа Рэспубліканскага конкурсу навуковых работ студэнтаў (далей – Конкурс) для ўдзельнікаў ад установы адукацыі “Беларуская дзяржаўная акадэмія музыкі” (далей Акадэмія музыкі).
Палажэнне адборачнага этапа Конкурсу для ўдзельнікаў ад Акадэміі музыкі складзена ў адпаведнасці з Палажэннем аб парадку і ўмовах правядзення Рэспубліканскага конкурсу навуковых работ студэнтаў, зацверджаным пастановай Міністэрства адукацыі Рэспублікі Беларусь ад 5 ліпеня 2022 г.
№ 175 (гл. на афіцыйным сайт конкурсу Студэнцкая навука Рэспублікі Беларусь www.sws.bsu.by).
Першы адборачны этап конкурсу праводзіцца з мэтай актывізацыі навукова-даследчай работы студэнтаў.
Асноўнымі задачамі Конкурсу з’яўляюцца:
садзейнічанне інтэграцыі адукацыйнага працэсу і навуковай дзейнасці ва ўстановах вышэйшай адукацыі Рэспублікі Беларусь (далей – УВА);
стварэнне ўмоў для рэалізацыі творчых здольнасцей студэнтаў і стымуляванне навукова-даследчай дзейнасці ў адпаведнасці з профілямі і (або) напрамкамі адукацыі, па якіх ажыццяўляецца падрыхтоўка спецыялістаў ва УВА, у адпаведнасці з прыярытэтнымі напрамкамі навуковай, навукова-тэхнічнай і інавацыйнай дзейнасці Рэспублікі Беларусь;
паглыбленне тэарэтычнай і навукова-практычнай падрыхтоўкі студэнтаў, авалоданне імі навыкамі атрымання і выкарыстання навуковых ведаў;
садзейнічанне актыўнаму ўключэнню студэнтаў у сферу навуковай дзейнасці Рэспублікі Беларусь.
На Конкурс прадстаўляюцца самастойна выкананыя навуковыя працы студэнтаў, якія навучаюцца ў Акадэміі музыкі, а таксама выпускнікоў і выпускнікоў магістратуры, якія завяршылі навучанне ў Акадэміі музыкі ў год правядзення конкурсу (далей – аўтары) і маюць вынікі апрабацыі навуковай працы (публікацыі, дыпломы конкурсаў навуковых прац, акты ўкаранення ў навучальны працэс і г.д.)
Навуковая работа, якая прадстаўляецца на конкурс, павінна адпавядаць профілю і (або) напрамку адукацыі, па якім навучаецца (навучаўся) аўтар, і (або) прыярытэтным напрамкам навуковай, навукова-тэхнічнай і інавацыйнай дзейнасці Рэспублікі Беларусь, мець навуковую, практычную, сацыяльную значнасць.
Да ўдзелу ў Конкурсе дапускаюцца таксама навуковыя работы, падрыхтаваныя двума аўтарамі, пры наяўнасці ў іх агульных па тэме навуковай работы матэрыялаў, якія пацвярджаюць апрабацыю і выкарыстанне рэзультатаў навуковай работы.
Кансультацыйную дапамогу аўтару ў падрыхтоўцы навуковай працы аказвае навуковы работнік або педагагічны работнік (з ліку прафесарска-выкладчыцкага складу Акадэміі музыкі або іншай навуковай арганізацыі), які ажыццяўляе навуковую дзейнасць па адпаведнай галіне навукі або педагагічную дзейнасць па адпаведнай вучэбнай дысцыпліне (далей – навуковы кіраўнік).
Вылучэнне і разгляд навуковых работ у ходзе правядзення Конкурсу ажыццяўляецца ў два этапы.
На першым этапе конкурсу навуковыя працы разглядаюцца камісіяй Акадэміі музыкі, зацверджанай загадам рэктара акадэміі.
Камісія Акадэміі музыкі ажыццяўляе наступныя функцыі:
– разглядае прадстаўленыя навуковыя працы;
– ацэньвае прадстаўленыя работы, згодна з наступнымі крытэрыямі (актуальнасць, адпаведнасць прыярытэтным навуковым напрамкам, навуковая навізна, арыгінальнасць рашэння пастаўленай задачы, паўната і лагічная паслядоўнасць матэрыяла работы, тэарэтычная значнасць атрыманых вынікаў, метадалогія і метады праведзенага даследавання, практычная значнасць атрыманых вынікаў з буйнымі навуковымі праграмамі, наяўнасць матэрыялаў, якія пацвярджаюць апрабацыю і выкарыстанне вынікаў навуковай работы);
– вызначае ўдзельнікаў, якія прайшлі адборачны этап Конкурсу, большасцю галасоў;
– ажыццяўляе іншыя дзеянні па пытаннях правядзення Конкурсу.
Вынікі працы камісіі Акадэміі музыкі разглядаюцца на пасяджэнні вучонага савета акадэміі.
Акадэмія музыкі забяспечвае інфармацыйнае суправаджэнне Конкурсу на афіцыйным сайце Акадэміі музыкі ў глабальнай камп’ютарнай сетцы Інтэрнэт.
На другім этапе Конкурсу навуковыя работы, рэкамендаваныя вучонай радай Акадэміі музыкі, разглядаюцца конкурснымі камісіямі па адпаведных навуковых секцыях.
ГЛАВА 2
ПАРАДАК ПРАДСТАЎЛЕННЯ НАВУКОВЫХ РАБОТ
Для ўдзелу ў першым этапе Конкурсу аўтар навуковай работы прадстаўляе навуковаму кіраўніку СНТА Акадэміі музыкі, які каардынуе навукова-даследчую работу студэнтаў, наступныя дакументы на электронны адрас: snto@bgam.by:
Заяўку для ўдзелу, у якой указваецца:
– назва навуковай работы
– прозвішча, уласнае імя, імя па бацьку (калі такое маецца) аўтара (аўтараў) навуковай работы,
– яго (іх) статус (студэнт, магістрант, выпускнік);
– факультэт (для навучэнцаў на дадзены момант);
– Прозвішча, уласнае імя
– пасада, вучоная ступень, вучонае званне навуковага кіраўніка;
– спіс матэрыялаў, якія пацвярджаюць апрабацыю і выкарыстанне вынікаў навуковай работы (публікацыі, дыпломы конкурсаў навуковых работ і канферэнцый-конкурсаў, сертыфікаты канферэнцый і Лісты-падзякі і г.д. );
навуковую работу, аб’ёмам не больш за 50 старонак для сацыяльна-гуманітарных навук (разам з дадаткамі, без уліку копій матэрыялаў, якія пацвярджаюць апрабацыю і выкарыстанне вынікаў навуковай працы), аформленую ў адпаведнасці з міждзяржаўным стандартам ДАСТ 7.32–2017.
З патрабаваннямі да афармлення працы можна азнаёміцца на афіцыйнай старонцы конкурсу, прайшоўшы па спасылцы Студэнцкая навука Рэспублікі Беларусь (www.sws.bsu.by);
спіс і копіі матэрыялаў, якія пацвярджаюць апрабацыю і выкарыстанне вынікаў навуковай работы (копіі публікацый, Дыпломаў аб удзеле ў конкурсах навуковых работ, акты ўкаранення ў навучальны працэс і г.д.), а таксама, пры наяўнасці, матэрыялы, якія пацвярджаюць удзел аўтара навуковай работы ў выкананні навуковых праектаў, студэнцкіх грантах;
водгук навуковага кіраўніка;
даведку аб праверцы на наяўнасць запазычанняў.
Заяўка для ўдзелу прадастаўляецца ў электронным варыянце. Навуковая работы і ўсе суправаджальныя дакументы – як у электронным, так і ў друкаваным варыянце.
Тэрміны падачы заявак і работ для ўдзельнікаў адборачнага этапа Конкурсу:
да 8 лістапада 2023 г. – падача заявак
да 17 лістапада 2023 г. – прадастаўленне навуковых работ з усімі суправаджальнымі дакументамі
да 24 лістапада 2023 года – падвядзенне вынікаў адборачнага этапу конкурсу.
Навуковыя работы, прадстаўленыя для ўдзелу ў адборачным этапе Конкурсу пазней за ўстаноўлены тэрмін, не дапускаюцца да далейшага ўдзелу ў Конкурсе і конкурснай камісіяй не разглядаюцца.
Для рэгістрацыі навуковых работ, якія прайшлі адборачны этап Конкурсу, ва ўстаноўленыя Акадэміяй музыкі тэрміны прадстаўляюцца тыя ж звесткі, што пазначаны ў пункце 1: заяўка ў электронным варыянце; навуковая работа і ўсе суправаджальныя дакументы адначасова і ў электронным, і ў друкаваным варыянце.
Для навуковых работ, якія прайшлі адборачны этап Конкурсу, вызначаюцца наступныя тэрміны прадастаўлення матэрыялаў для заключнага этапа Конкурсу:
да 29 лістапада 2023 г. – падача заяўкі для фарміравання агульнай базы даных ад Акадэміі музыкі;
да 8 снежня 2023 г. – прадстаўленне тэксту навуковай работы з суправаджальнымі дакументамі.
Навуковыя работы, якія тэрмінова не зарэгістраваны у агульнай базе ўдзельнікаў Акадэміі музыкі, дапускацца да далейшага ўдзелу не будуць.
Больш падрабязная інфармацыя для ўдзельнікаў, якія прайшлі адборачны тур, будзе прадстаўлена дадаткова, пасля падвядзення вынікаў адборачнага тура.
З Палажэннем аб правядзенні Рэспубліканскага конкурсу навуковых работ 2023 года можна азнаёміцца на афіцыйным сайце конкурсу: Студэнцкая навука Рэспублікі Беларусь (www.sws.bsu.by).
КАНТАКТЫ
Навуковы кіраўнік СНТА, дацэнт кафедры тэорыі музыкі, кандыдат мастацтвазнаўства, дацэнт Ціхамірава Ала Анатольеўна:
Намеснік навуковага кіраўніка СНТА, кандыдат мастацтвазнаўства, старшы выкладчык кафедры тэорыі музыкі Воранава Святлана Сяргееўна.
Адрас электроннай пошты: snto@bgam.by
Пастанова Міністэрства адукацыі Рэспублікі Беларусь ад 05.07.2022 № 175
