Пасада: Прафесар кафедры спеваў і музычна-тэатральнага мастацтва
Вучонае званне: Прафесар
Ганаровае званне: Народны артыст Рэспублікі Беларусь
Адукацыя:1967 – Беларускае дзяржаўнае харэаграфічнае вучылішча; 1982 – Мінскі інстытут культуры (спецыяльнасць “культурна-асветная работа”)
Выкладаемыя дысцыпліны: Майстэрства акцёра, Масавыя сцэны з балетаў (кардэбалет), Сцэнарная драматургія, Методыка выкладання дуэтнага танца
Нарадзіўся 06.02.1947 у г.Каменск-Шахцінскі, Расія.
У 1967 годзе быў прыняты ў Беларускі тэатр оперы і балета, у 1969 годзе стаў лаўрэатам I Міжнароднага конкурсу артыстаў балета ў Маскве.
У перыяд работы ў Дзяржаўным акадэмічным Вялікім тэатры оперы і балета выканаўца галоўных партый у пастаноўках:
- “Дон Кіхот” Л.Мінкуса,
- “Спартак” А.Хачатурана,
- “Бахчысарайскі фантан” Б.Афанасьева,
- “Гаянэ” А.Хачатурана,
- “Арлекінада” Р.Дрыга,
- “Альпійская балада” Я.Глебава,
- “Кармэн-сюіта” Ж.Бізэ-Р.Шчадрына,
- “Ціль Уленшпігель” С.Картэса,
- “Стварэнне свету” А.Пятрова,
- “Пасля балю” Г.Вагнера,
- “Спячая прыгажуня” П.Чайкоўскага,
- “Папялушка” С.Пракоф’ева,
- “Паненка і хуліган” Д.Шастаковіча,
- “Казкі Гофмана” Ж.Афенбаха,
- “Кавалер руж” Р.Штрауса і іншыя.
У 1989 годзе завяршыў кар’еру танцоўшчыка і стаў удзельнічаць у якасці рэжысёра-харэографа ў пастаноўцы балетных спектакляў у рэспубліцы і за мяжой. У перыяд 1989-1992 выкладаў у Нацыянальнай акадэміі мастацтваў Сірыі (г.Дамаск).
З 1993 года выкладае ў Беларускай дзяржаўнай акадэміі мастацтваў, з 2011 года – у Беларускай дзяржаўнай акадэміі музыкі. З’яўляецца аўтарам 3-томнага вучэбнага дапаможніка «Сцэнічны танец».
У снежні 2020 года В.У.Саркіс’ян узнагароджаны Ордэнам Францыска Скарыны за шматгадовую плённую працу.