Беларуская дзяржаўная акадэмія музыкі аб’яўляе аб правядзенні
II Міжнароднага конкурсу харавых дырыжораў імя В.У.Роўды.
Арганізатарамі конкурсу з’яўляюцца Міністэрства культуры Рэспублікі Беларусь і ўстанова адукацыі “Беларуская дзяржаўная акадэмія музыкі”.
Мэта конкурсу: падтрымка творчасці маладых дырыжораў хору, павышэнне ўзроўню іх выканальніцкага майстэрства, узбагачэнне нацыянальнай выканальніцкай харавой школы перадавым міжнародным вопытам і ўдасканаленне сучаснай адукацыі дырыжораў хору, папулярызацыя харавога мастацтва.
Конкурс адбудзецца 16–20 лістапада 2026 года.
Для ўдзелу ў конкурсе канкурсанты да 16 верасня накіроўваюць на адрас электроннай пошты vocal_hor@bgam.by наступныя матэрыялы:
- Заяўка на ўдзел у конкурсе па форме згодна з дадаткам (на рускай ці беларускай мове). Для замежных канкурсантаў, якія не валодаюць рускай і (або) беларускай мовамі, форма заяўкі на ўдзел у конкурсе на англійскай мове;
- Творчая біяграфія канкурсанта;
- Дзве каляровыя фатаграфіі канкурсанта фарматам JPEG і дазволам не менш за 600 кропак на цалю (dpi);
- Неадрэдагаваны відэазапіс конкурснага нумара з хорам працягласцю ад 3 хвілін да 7 хвілін;
- Рэкамендацыя ўстановы адукацыі, у якой канкурсант навучаецца.
Тэрміны падачы дакументаў могуць быць зменены.
Загад
Палажэнне
Заяўка
Праграма