Сімфанічны аркестр установы адукацыі “Беларуская дзяржаўная акадэмія музыкі” заўсёды займаў асаблівае месца ў творчым жыцці навучальнай установы. На яго базе прафесійную падрыхтоўку прайшла вялізная колькасць музыкантаў, якія штогод папаўнялі і папаўняюць аркестравыя калектывы Беларусі.
У розныя часы аркестрам кіравалі таленавітыя дырыжоры П. Кірыльчанка, В. Мнацаканаў, А. Лапуноў, М. Калядка, П. Вандзілоўскі, М. Анісімаў, А. Галанаў, В. Авадок і інш. З 1992 да кастрычніка 2012 года Казінец. Аб музычных прыярытэтах і творчым крэда дырыжора можна меркаваць па творах, якія складаюць рэпертуар аркестра: імшы і араторыі І. С. Баха, сімфанічныя творы В. А. Моцарта, Л. Бетховена, І. Брамса, Ц. Франка, Г. Берліёза, К. Дэбю, К. Дэбю. І. Штраўса; руская класіка прадстаўлена сачыненнямі П. І. Чайкоўскага, М. П. Мусаргскага, А. П. Барадзіна, С. В. Рахманінава, Д. Д. Шастаковіча, С. С. Пракоф’ева. У музычных прэм’ерах шырока прадстаўляюцца музычныя творы беларускіх аўтараў: А. В. Багатырова, Я. А. Глебава, Д. Б. Смольскага, А. Ю. Мдзівані, Г. К. Гарэлавай, В. М. Кур’яна і А. Ф. Літвіноўскага. Аркестр гастраляваў у розных гарадах Італіі, Бельгіі, яго захоплена прымалі на востраве Рэюньён (прэфектура Францыі).
З 1994 года аркестр рэгулярна выступаў на музычных фестывалях Францыі (“Лета Вялікага Саду”), Германіі (“Навагоднія музычныя вечары” і Вагнёраўскім фестывалі). Аркестр дае штогадовы цыкл канцэртаў у зале Беларускай дзяржаўнай філармоніі ў г. Мінску і ў розных гарадах Беларусі – Брэсце, Гомелі, Магілёве, Маладзечне, Вілейцы. Плённым і цікавым стала супрацоўніцтва аркестра з музыкантамі з Германіі, Францыі, Расіі, Турцыі: дырыжорамі Георгам Майсам (Германія), Жан-Мары Кэнанам (Францыя), выканаўцамі Аркадзем Валадосем (барытон), Франсуа Шато (флейта), Філіпам Берро (Філіпам Берро). З аркестрам выступалі выкладчыкі і студэнты ўстановы адукацыі: народны артыст Беларусі І. Алоўнікаў, прафесар В. Шацкі, лаўрэаты міжнародных конкурсаў А. Паначэўны, А. Сікорскі, К. Красніцкі, Л. Янпольская і інш.
З 1 кастрычніка 2012 года аркестрам кіраваў народны артыст Беларусі, прафесар Аляксандр Міхайлавіч Анісімаў. Аркестр даў шэраг канцэртаў у Беларусі і за мяжой: так, 19 верасня 2013 года ён выступіў у Вялікай зале Маскоўскай дзяржаўнай кансерваторыі імя П.І.Чайкоўскага ў рамках праекта «Парад сімфанічных аркестраў кансерваторый дзяржаў-удзельніц СНД да 150-годдзя Маскоўскай дзяржаўнай кансерваторыі імя П.І.Чайкоўскага».
З верасня 2015 года аркестр узначаліў дырыжор Нацыянальнага акадэмічнага Вялікага тэатра оперы і балета Рэспублікі Беларусь Андрэй Іваноў. Аркестр вядзе актыўную дзейнасць, выступае ў буйных праектах, напрыклад, 17 кастрычніка 2017 г. у г. Парыжы ў рамках міжнароднага праекта «Культурная дыпламатыя. Маладзёжныя музычныя масты: Беларусь і Францыя. Да 500-годдзя беларускага кнігадрукавання». У кастрычніку-лістападзе 2017 года дырыжор Андрэй Іваноў і студэнты ўдзельнічалі ў майстар-класах і гастролях Маладзёжнага беларуска-расійскага сімфанічнага аркестра ў Маскве і Мінску. Пасля аркестрам кіравалі Н. В. Макарэвіч, А. П. Сасноўскі.
Сёння аркестр узначальвае Аляксандр Уладзіміравіч Шатаў.
Творчы калектыў падрыхтаваў шэраг яркіх канцэртных праграм: “Вечар кансерваторыі” ў Беларускай дзяржаўнай філармоніі, у якім прадставіў монаспектакль “Мяцеліца” паводле аповесці А. Пушкіна з музычнымі ілюстрацыямі Г. Свірыдава.
15 лістапада 2025 г. на сцэне “Мінск Арэны” адбылася грандыёзная шоу праграма “На беразе неба” Заслужанага артыста Расійскай Федэрацыі Дзімы Білана з удзелам сімфанічнага аркестра ўстановы адукацыі “Беларуская дзяржаўная акадэмія музыкі”.
Сімфанічны аркестр з’яўляецца ўдзельнікам адукацыйна-творчых праектаў “Маладзёжны музычны мост” і “Маладзёжны сімфанічны аркестр”.
