Пасада: Загадчык кафедры канцэртмайстарскага майстэрства
Вучонае званне: Дацэнт (2014)
Адукацыя: Беларуская дзяржаўная кансерваторыя (1981, клас фартэпіяна В.А. Лагвіненка), там жа асістэнтура-стажыроўка (1987) пад кіраўніцтвам Э.М. Тырманд
Выкладаемыя дысцыпліны: Канцэртмайстарскі клас, Канцэртмайстарская практыка, Чытанне нот з ліста і транспанаванне
Нарадзілася 14 красавіка 1958 у г. Мінску (Беларусь).
У 1988–2001 – загадчык аддзялення канцэртнага класа Рэспубліканскага музычнага каледжа пры Беларускай дзяржаўнай акадэміі музыкі. Адначасова з 1987 г. – выкладчык класа канцэртмайстарскага майстэрства Беларускай дзяржаўнай акадэміі музыкі (з 2001 г. – на асноўнай працы). Лекцыі і майстар-класы на факультэце павышэння кваліфікацыі
Удастоена дыпломаў за лепшы акампанемент на Міжнародным конкурсе выканаўцаў на медных духавых інструментах у Латвіі (Даўгаўпілс, 1987) і рэспубліканскіх конкурсах выканаўцаў на духавых інструментах (Маладзечна, 1982; Ліда, 1986; Гомель, 2002).
Узнагароджана Ганаровай граматай Саюза музычных дзеячаў Рэспублікі Беларусь за плённую работу па выхаванні творчай моладзі (2000).
Двойчы па накіраванні Беларускай дзяржаўнай акадэміі музыкі выязджала на працу ў КНР. У 2002–2003 і 2005–2006 – прафесар кафедры фартэпіяна Музычнага факультэта Чжэнчжоўскага Універсітэта (правінцыя Хенань).
У якасці канцэртмайстра гастралявала ў гарадах Беларусі, Польшчы, Расіі, КНР, Нідэрландах. Выступала ў канцэртах з вядомымі беларусамі. музыкантамі: Народнымі артысткамі РБ Н.Рудневай, Н.Бярэзінай, Т.Кучынскай, А.Казанцавай, В.Клачко і замежнымі музыкамі: спявачкай Джаванай дэ Мезо (Італія), піяністкай Р.Грэль (Германія), спеваком Р.Апіно (СШ) ) і інш.
Мае запісы на Беларускім радыё.
Сярод выхаванцаў (звыш 80) – канцэртмайстры: дыпламанты міжнар. конкурсаў Д.Мароз, Н.Маторная, Я.Лузан, А.Арнатовіч, Д.Ключановіч, А.Ішчанка, Ю.Архангельская, Ю.Аляксейчык, А.Чэкір; выканаўцы: лаўрэаты міжнародных конкурсаў А.Паначэўны, С.Смірноў, І.Жукаў, А.Палякоў, Джоу Пэн; артысты канцэртных калектываў і выкладчыкі навучальных устаноў Беларусі, Расіі, КНР, Нідэрландаў, ЗША, Францыі, Швейцарыі.
Публікацыі:
- Фортепианное творчество Сергея Бельтюкова: проблемы стиля и интерпретации // Весцi Бел. дзярж. акад. музыкi. – 2011. – № 11.
- Концертмейстеры кафедр деревянных, медных духовых и ударных инструментов БГАМ (1970 – 2015) / О.Ю.Бельтюкова // Б.В.Ничков: Особенности работы в классе духовых инструментов. – Минск – 2015 г.
- Методические принципы Э.М.Тырманд в классе концертмейстерского мастерства: метод. разработка. – Минск: Белорусская государственная академия музыки, 2013.
- Сергей Бельтюков. Концерт для скрипки с оркестром. Переложение для скрипки и фортепиано и музыкальная редакция: Клавир: нотное издание / О.Ю. бельтюкова. – Минск: Бел. гос. академия музыки, 2013.
- Сергей Бельтюков. Произведения для фортепиано / О.Бельтюкова; составление, вступительная статья, редактура. – Минск: «Edition Beltukoff», 2016.
- Сергей Бельтюков. Сказки для Матильды / О.Бельтюкова; вступит. статья, составление, ред. – Минск: «Edition Beltukoff», 2016.