Студэнцкі ансамбль, які з’явіўся ў 2008 годзе, – калектыў таленавітых і перспектыўных выканаўцаў. Пад чароўныя гукі флейтовага ансамбля праходзіць шмат мерапрыемстваў у сталічным Мінску і за яго межамі. Творчае натхненне, выканальніцкі прафесіяналізм калектыву залежыць ад каштоўнага вопыту мастацкага кіраўніка ансамбля – дацэнта кафедры драўляных духавых інструментаў Ніны Васільеўны Аўраменкі.
Ансамбль за нядоўгі тэрмін дасягнуў нямалых поспехаў: у маі 2009 года адбыліся аншлагавыя канцэртныя выступленні на міжнародным студэнцкім музычным фестывалі ў французскім Бельфоры, у 2012 годзе ансамбль стаў лаўрэатам I прэміі на III Міжнародным конкурсе інструментальных ансамбляў імя Дз. Бартнянскага ў Кіеве і інш. У 2013 годзе ўдзельнікі ансамбля Надзея Новік, Вольга Шыліна, Вольга Качан, Аліна Станкевіч, Вольга Бабенка, Наталля Дзядок атрымалі стыпендыю спецыяльнага фонду Прэзідэнта Рэспублікі Беларусь па падтрымцы таленавітай моладзі.
Ансамбль – калектыў выключна студэнцкі, ён увесь час абнаўляецца. У цяперашні склад ансамбля ўваходзяць Надзея Дашдорж, Вольга Бабенка, Аліна Станкевіч, Марыя Шункевіч, Наталля Мурзіна.
Ж. Кастэрэд “Flutes En Vakanses”, “Flutes Legeres” (відэа)